第一日：西門町 - 陝西秦味館 - Fourplay - 林東芳牛肉麵

今次九男女組合台北遊算係有刻意嘅安排，主要係食嘅方面。以往經驗話我知，普遍活動範圍都係大安區，所以酒店都揀咗喺大安嘅丹迪旅店。大安丹迪喺TripAdvisor嘅評分頗高，所以都有所期待。由於有台灣朋友幫手，所以幫忙將我哋book嘅房grade升咗呢，可以住對住大安森林公園嘅房間。旅店外貌普通，但無論大堂，走廊，房間，及最重要嘅洗手間都非常光猛乾淨，亦都係我哋所要求嘅。

下晝巡例到西門町逛逛，食吓阿宗面線，山豬肉腸，等。第一個晚餐係延吉街陝西秦味館，係台灣少有專賣西北風味同仿古嘅菜色。未入門口一股勁騷味撲入鼻裡面，我其實麻麻地喜歡咁濃味嘅北方菜，不過朋友介紹，就試試！鐘意重口味嘅朋友，尤其食得麻辣，勁騷味嘅一定會喜歡，不過真係唔係我杯茶!




晚飯後，一行十二人，去咗一間好特別嘅drinking place，叫Fourplay，位於大安區東豐街。2011年開業，店名由來係有四個愛玩各式創意調酒嘅型男bartender主理，所以叫Fourplay。朋友話，呢度頗受女士歡迎，因為好多調配嘅cocktail或飲品都係用水果調製。Fourplay本身都係餐廳，有pasta同小食供應。

未睇menu，朋友先order咗一盤創意調品Drugs Set「毒品系列」。一套七款，每款都有自己特色同飲法！
























第一杯大麻酒：要一口氣用杯子彎嘴嘅吸管吸入整杯酒，再放檸檬片入口。



第二杯K他命：酒杯放喺一塊墊上面，而墊上仲有介開一條條嘅「白粉」，咁又唔駛用鼻吸！先用飲管用口吸光白粉，而shot杯裡面有兩層深淺度嘅酒，上層係比較濃烈的酒，而下層就比較淡香嘅甜酒。要一啖乾杯，再放檸檬片入口。












第三杯海洛英：三支唔同顏色嘅飲品，要「注射」落口到。



















第四杯H1笑氣：咖啡色嘅酒烈酒旁，waitress姐姐攞住一個汽球，飲完杯shot之後要吸入汽球裡面嘅氣，跟住要你講兩句嘢，哈，竟然變咗老牛聲，好得意喎！







第五杯安非他命：顏色好靚嘅cocktail，鮮藍色嘅酒，仲有乾冰冒出，要先用個鼻吸入乾冰，再一啖乾咗佢！呢個算係最易入口！














第六杯MDMA搖頭丸：一杯籃加透明加啡嘅shot，用噴火槍點火，再放粒丸仔落杯shot度，等酒變咗色，再一啖飲咗佢。











最後一杯Cocaine：由於係壽星緣故，呢杯我走唔甩！唔好以為無乜睇頭，其實酒精濃度有70%以上，waitress姐姐攞住噴火槍喺酒杯頂點火，再喺側邊灑上cinnamon粉，整杯酒連杯就著火。用大杯冚住shot杯直到火完全熄滅，攞起大杯用napkin冚住大杯口，「備用」！先一口飲完shot杯嘅酒，非常刺喉！戲肉而家先出現：由於大杯剛冚住火釋放嘅cinnamon氣體，waitress姐姐攞支飲管，篤落大杯要我即刻吸裡面嘅氣體，嘩，不得了，搶喉到不得了，完全感覺刺喉氣體又口腔直落喉嚨，再落氣管，非常「kunk」，但真係幾好玩！









可以睇Fourplay自家youtube介紹一下！