時間尚早嘅關係，人流唔多，好快就有位。點咗好多新鮮嘅海鮮，同日本一樣咁新鮮，唔怪得越來越多人冒名而嚟。
食完brunch，諗住去敦化南路行街街，點知啲舖頭要一點先開門，周圍踱都唔係辦法，於是就去咗香港排到街尾嘅「咖啡弄」！香港分店開張以嚟都未去過，無理由喺天氣咁熱嘅時候，排個幾兩個鐘飲咖啡，食waffle呢！由於嚟到總店，又要kill time，於是就入去坐坐。朋友話過我知，台灣「咖啡弄」出名於咖啡waffle精緻好味之外，最最最重要喺佢哋精心挑選型男索女嘅員工，靚故之然首選，就算唔靚，都要夠型！
咖啡時間之後，店舖陸續開門，我哋其實主供Stayreal，不過我哋大部份都喺之前幾日買咗好多，所以無乜收獲。
打發時間等上機，臨尾都要去一去至愛敦南誠品打個轉，無收獲但好滿足。而其他人就走咗去按個快摩，就結束咗今次旅程！
0 comments :
Post a Comment